රාජ්‍ය අංශයේ විශ්‍රාම වැටුප් හිමිකම් නොලැබෙන සේවා නියුක්තිකයන් සඳහා ආරක්ෂණ අරමුදලක් ලෙස රාජ්‍ය සේවා අර්ථසාධක අරමුදල පිහිටුවා ඇත. රාජ්‍ය සේවයේ නියුක්ත ස්ථිර, අනියම්, දෛනික වැටුප් ලාභීන්, කොන්ත්‍රාත් පදනමින් බදවා ගත් අයවළුන්, අභ්‍යාස ලාභීන් ආදී පුළුල් පරාසයකින් යුත් සේවා කාණ්ඩයන් සදහා ප්‍රතිලාභ ලබාගත හැකි වන පරිදි මෙම අරමුදලේ අරමුණු හා පරමාර්ථ පුළුල් කර ඇත.
2003 අංක17දරණ සංශෝධන පනතින් හා, වරින් වර නිකුත් කරන ලද චක්‍රලේඛ මගින් රාජ්‍ය සේවයේ නියුක්ත ස්ථිර, අනියම්, දෛනික වැටුප් ලාභීන්, කොන්ත්‍රාත් පදනමින් බදවා ගත් අයවළුන්, අභ්‍යාස ලාභීන් ආදී පුළුල් පරාසයකින් යුත් සේවා කාණ්ඩයන් සදහා ප්‍රතිලාභ ලබාගත හැකි වන පරිදි අරමුදලේ අරමුණු හා පරමාර්ථ පුළුල් කර ඇත.
අරමුදලේ සාමාජිකත්වය සඳහා සුදුසුකම් ලබන නිලධාරීන්
- විශ්‍රාම වැටුප් අහිමි ස්ථිර රජයේ සේවකයින්
- තාවකාලිකව මාසික වැටුප් වැටුප් ලබන රජයේ සේවකයින්
- දෛනික ගෙවීම් හෝ මාසික ගෙවීම් ලබන විශ්‍රාම වැටුප් අහිමි රජයේ සේවකයින්
- කොන්ත්‍රාත් පදනම මත බඳවා ගනු ලබන විශ්‍රාමකයින් නොවන සේවකයින්
- ශ්‍රී ලාංකික විදේශ දූත මණ්ඩලයක සේවය කරනු ලබන විශ්‍රාම වැටුප් රහිත විදේශීය සේවකයකු හෝ විශ්‍රාම වැටුප් රහිත ශ්‍රී ලාංකික සේවකයකු
- අමාත්‍ය කාර්ය මණ්ඩලවල නියුතු නිලධාරින් සහ පළාත් සභා අමාත්‍ය කාර්ය මණ්ඩලවල නියුතු නිලධාරින්
සාමාජිකත්වය සඳහා සුදුසුකම් නොලබන නිලධාරීන්
- විශ්‍රාමික රජයේ නිලධාරින්
- වයස අවු.60 ඉක්මවූ නිලධාරින්
- අමාත්‍ය කාර්යමණ්ඩලවල සේවයේ යොදවා ඇති විශ්‍රාමික රජයේ නිලධාරීන්
- අදාළ තනතුරුවල වසර 05ක සේවා කාලයක් සපුරා ඇති “ට” උපලේඛනයට අයත් අමාත්‍ය කාර්ය මණ්ඩල නිලධාරින්
සාමාජිකත්වය ලබා ගැනීම / ලියාපදිංචි වීම
2017.10.06 වන දිනැති විශ්‍රාම වැටුප් චක්‍රලේඛ 02/2017 මඟින් රාජ්‍ය සේවා අර්ථ සාධක අරමුදල් ලියාපදිංචිය ලබාගැනීම සහ සාමාජිකයන්ගේ දායක මුදල් විස්තර යාවත්කාලීන කිරීම සඳහා මාර්ගගතක්‍රමය හඳුන්වා දී ඇත.
දායක මුදල් අය කිරීම
- මෙම අරමුදලට දායක වන සියළුම නිලධාරීන් තම මාසික වැටුපෙන්“අනිවාර්ය දායක මුදල” ලෙස 8% ප්‍රතිශතයක් අරමුදලට යොමුකල යුතු වේ.
- රාජ්‍ය දායකත්වය ලෙස අනිවාර්ය දායක මුදල මෙන් 1.5 (එකයි දශම පහ) ක එනම්, 12% ප්‍රමාණයක් නිලධාරියා සේවය කරනු ලබන ආයතනය විසින් මෙම අරමුදලට ප්‍රේෂණය කල යුතුය.
- 2003-01-01 දින සිට අරමුදලට අය කරනු ලබන සියළුම මාසික දායක මුදල් ආසන්නම රුපියලට ගණනය කර අය කළ යුතු වේ.
දායක මුදල් අරමුදල වෙත එවිය යුතු ආකාරය
- මධ්‍යම රජයේ, පළාත් සභාවල හා පළාත් පාලන ආයතනවල දායක මුදල් එවීමේදී, විශ්‍රාම වැටුප් චක්‍රලේඛ 02/2017 හි සඳහන් පරිදි අනිවාර්ය දායක මුදල (8%) හා රජයේ ප්‍රසාද මුදල (12%) සඳහා වූ දායක මුදල් මාසිකව චෙක්පත් වලින් පමණක් එවිය යුතුවේ.
- චෙක්පත් “සභාපති, රාජ්‍ය සේවා අර්ථසාධක අරමුදල” නමින් ලියා එවිය යුතුය.
සාමාජිකත්වය අහෝසි වන / ප්‍රතිලාභ අයදුම්කල හැකි අවස්ථා
- විශ්‍රාම වැටුප් සහිත තත්ත්වයට පත්වීම.
- වයස අවු.60 සම්පූර්ණ වීම.
- ඉල්ලා අස්වීම.
- තනතුර අහෝසි වීම
- කොන්ත්‍රාත් කාලය අවසන් වීම.
- විනයානුකූල හේතුවක් මත සේවය අහෝසි කිරීම.
- තනතුර අතහැර යාම.
- මිය යාම
අරමුදලෙහි සියළු මෙහෙයුම් කාර්යයන් මාර්ගගත ක්‍රමයට සිදුකිරීම සම්බන්ධයෙන් වූ මූලික කටයුතු දැනට ආරම්භවී ඇති අතර , ඉදිරියේ දී එය දියත් කෙරෙනු ඇත. දැනට ප්‍රතිලාභ අයදුම් කිරීමේ දී අනුගමණය කලයුතු පියවර හා අවශ්‍ය සියළු ආකෘති පත්‍රයන් වි.වැ. චක්‍රලේඛ 7/2015 මගින් ඉදිරිපත් කර ඇත.
රා.සේ.අ.අ. ප්‍රතිලාභ ඉල්ලුම් කිරීමේදී අයදුම්පත්‍ර සමඟ එවිය යුතු අනෙකුත් ලේඛන
- රා.සේ.අ.අ. දායකත්වය සහිත පත්වීම් ලිපිය (මුල් පත්වීම් ලිපිය)
- Report of the recovery of contributions
- A photocopy of the first page of the passbook of a state bank issued for an active bank account maintained in the name of the contributor
- රා.සේ.අ.අ. දායකත්වය සහිත පත්වීම් ලිපිය (මුල් පත්වීම් ලිපිය)
- සේවය අවසන් වූ ආකාරය සනාථ කිරීම සඳහා,
- ස්ථිර විශ්‍රාම වැටුප් සහිත තත්ත්වයට පත්කිරීමේ ලිපිය හෝ,
- ඉල්ලා අස්වීමකදී නම් ඉල්ලා අස්වීම අනුමත කල ලිපිය හෝ,
- සේවය අවසන් කිරීමේ ලිපිය/කොන්ත්‍රාත් සේවය අවසන් කල ලිපිය හෝ,
- වයස සම්පූර්ණ වීමකදී නම් දායකයාගේ උප්පැන්න සහතිකය
- දායක මුදල් අයවීම් පිළිබඳ වාර්තාව
- දායකයා නමින් රාජ්‍ය බැංකුවක පවතින සක්‍රිය ගිණුමක පාස් පොතෙහි නම සහ ගිණුම් අංකය සහිත මුල් පිටුවේ ඡායා පිටපතක්
- මීට අමතරව දායකයකු මිය ගිය අවස්ථාවකදී ,
- මරණ සහතිකය
- විවාහ සහතිකය
- දරුවන්ගේ උප්පැන්න සහතිකය
- උරුමකරුවන් පිළිබඳ ප්‍රාදේශීය ලේකම්ගේ වාර්තාව
- උරුමකරුවන් වන බාලවයස්කාර දරුවන් ඇත්නම් බාලවයස්කාර ගිණුම් පොතෙහි නම සහ ගිණුම් අංකය සහිත මුල් පිටුවේ ඡායා පිටපතක්
- ජාතික හැදුනුම්පතෙහි පිටපතක්
- ඉහත සියළුම ලේඛණවල සහතික කල පිටපත් එවිය යුතු අතර සත්‍ය පිටපතක් බවට සහතික කල නිලධාරියාගේ නම සහිත නිල මුද්‍රාව තැබිය යුතුය.
- අදාල දායකයාගෙන් රජයට අයවිය යුතු යම් මුදලක් වේ නම් එය අදාල ආයතනය වෙත චෙක්පතකින් ගෙවීමට කටයුතු කරනු ලැබේ. එබැවින් ප්‍රදානයන් ආපසු ගෙවන අවස්ථාවේදී රජයට අයවිය යුතු යම් මුදලක් වේ නම් ඒ පිළිබඳ සවිස්තරාත්මක වාර්තාවක් PSPF 100 ආකෘතිය මඟින් අනිවාර්යයෙන් ම මාණ්ඩලික නිලධාරියෙකු විසින් සහතික කර එවිය යුතුය.
- ස්ථිර විශ්‍රාම වැටුප් හිමි තත්ත්වයට පත්වූ දායකයින්ගේ වැන්දඹු අනත්දරු අරමුදලට අයවිය යුතු දායක මුදල් පිළිබඳ සවිස්තරාත්මක වාර්තාවක් PSPF 101 ආකෘතිය මඟින් මාන්ඩලික නිලධාරියෙකු විසින් සහතික කර එවිය යුතුය. එම දායක මුදල රා.සේ.අ.අ. ප්‍රදානයෙන් අඩුකර වැන්දඹු / වැන්දඹු පුරුෂ අනත්දරු අරමුදල වෙත බැර කිරීමට කටයුතු කරනු ලැබේ.
සාමාජිකත්වය අහෝසි වීමේදී ලැබෙන ප්‍රතිලාභ
- සේවයෙන් ඉල්ලා අස්වීම, වයස සම්පූර්ණ වීම, තනතුරු අහෝසි වීම, කොන්ත්‍රාත් සේවා කාලය අවසන් වීම, මිය යාම යන කරුණු මත දායකත්වය අවසන් කරන අයට දායකයා විසින් බැර කර ඇති දායක මුදල හා ඊට අදාල වැල් පොළියත් රජය විසින් දෙනු ලබන රජයේ ප්‍රසාද මුදලත් ඊට අදාල වැල් පොළියත් ලැබීමට හිමිකම ඇත.
(රාජ්‍ය සේවා අර්ථ සාධක අරමුදල් පනත - 14 වගන්තිය) - මෙම වගන්තිය යටතේ ප්‍රතිලාභ ලබාගත් සාමාජිකයෙකු පසුකාලීනව විශ්‍රාම වැටුප් සහිත සේවාවකට පත්වීම් ලබා, රාජ්‍ය සේවා අර්ථසාධක අරමුදලට දායක වී සිටි කාල සීමාව විශ්‍රාම වැටුප් සහිත සේවා කාලයට ගණන් ගන්නා ලෙස ඉල්ලීමක් ඉදිරිපත් කලහොත් තමා විසින් ලබාගත් රජයේ ප්‍රසාද මුදල හා වැල් පොළිය, අදාල මුදල් ආපසු ලබාගත් දින සිට නැවත ගෙවන දින දක්වා 4% ක සුළු පොළියක් ද සමග ගෙවීමට කැමති වුවහොත් එම මුදල අයකර ගැනීමෙන් පසුව අදාළ කාල සීමාව විශ්‍රාම වැටුප් ගණනය සඳහා අදාළ කර ගතහැකිය.
- විනයානුකූල හේතුවක් මත සේවය අවසන් කිරීම, තනතුර අතහැර යාම වැනි කරුණු මත දායකත්වය අවසන් කරන අයට දායකයා විසින් බැර කර ඇති දායක මුදල සහ ඊට අදාල වැල් පොළිය පමණක් ලැබීමට හිමිකම ඇත. එමෙන්ම, මෙම සේවා කාලය විශ්‍රාම වැටුප් ගණනය කිරීම සඳහා ගණන් ගනු නොලැබේ.
(රාජ්‍ය සේවා අර්ථ සාධක අරමුදල් පනත - 16 වගන්තිය) - ස්ථිර විශ්‍රාම වැටුප් සහිත තනතුරට පත්වීමේදී දායකයින්ට තමා විසින් බැර කර ඇති දායක මුදල සහ ඊට අදාල වැල් පොළිය පමණක් ලැබීමට හිමිකම ඇත. මෙම සේවා කාලය විශ්‍රාම වැටුප් ගණනය කිරීම සඳහා ගණන් ගනු ලබන බව විශේෂයෙන් සැලකිය යුතුය.
(රාජ්‍ය සේවා අර්ථ සාධක අරමුදල් පනත - 20 වගන්තිය) - විශ්‍රාම වැටුප් සහිත තත්වයට පත්කරනු ලබන සාමාජික- සාමාජිකාවන් ට වැන්දඹු අනත් දරු / වැන්දඹු පුරුෂ අනත් දරු ක්‍රමයට දායක වීමට අවස්ථාව උදාවීමද සුවිශේෂී ප්‍රතිලාභයකි.