ஓய்வூதியத் திணைக்களத்தின் வெளிநாட்டு ஓய்வூதியப் பிரிவானது, வேறொரு நாட்டின் குடியுரிமையை வைத்திருக்கும் அல்லது இலங்கையுடன் இரட்டைக் குடியுரிமையை வைத்திருக்கும் அல்லது இரண்டு வருடங்களுக்கும் மேலாக வெளிநாடு செல்லும் இலங்கை ஓய்வூதியர்களுக்கான கொடுப்பனவுகளைச் செய்கிறது. வெளிநாட்டு ஓய்வூதியங்கள் 1/2018 ஓய்வூதிய சுற்றறிக்கையின் கீழ் கட்டுப்படுத்தப்படுகின்றன.
01/2018 சுற்றறிக்கையில் வழங்கப்பட்ட தகவல்களின் அடிப்படையில் (பதிவிறக்க இங்கே சொடுக்கவும், சிங்களம்/தமிழ்/ஆங்கிலம்) ஓய்வூதியத் திணைக்களத்தின் வெளிநாட்டு ஓய்வூதியப் பிரிவு பின்வரும் ஓய்வூதியர்களுக்கு வெளிநாட்டு ஓய்வூதிய வகைப்படுத்தலின் கீழ் கொடுப்பனவு செய்கிறது;
- வேறொரு நாட்டின் குடியுரிமை பெற்ற இலங்கையைப் பூர்வீகமாகக் கொண்ட ஓய்வூதியர்கள்
- இலங்கையுடன் இரட்டைக் குடியுரிமையை வைத்திருத்தல்
- இரண்டு வருடங்களுக்கு மேலாக வெளிநாடு சென்றுள்ள இலங்கை ஓய்வூதியர்கள்
வெளிநாட்டு ஓய்வூதிய கொடுப்பனவுகள் இலங்கை வங்கி – மெட்ரோபொலிட்டன் கிளை, ஹட்டன் நஷனல் வங்கி – பஞ்சிகாவத்தை கிளை, பான் ஏசியா வங்கி – பொரளை கிளை, மக்கள் வங்கி – குயின்ஸ் கிளை மற்றும் தேசிய சேமிப்பு வங்கி – மாளிகாவத்தை கிளை ஆகியவற்றினால் பராமரிக்கப்படும் விசேட வங்கிக் கணக்கின் ஊடாக மட்டுமே செலுத்தப்படுகின்றன.
வெளிநாட்டில் வசிக்கும் அனைத்து ஓய்வூதியர்களும் ஒவ்வொரு ஆண்டும் முந்தைய ஆண்டின் டிசம்பர் 1 ஆம் திகதியிலிருந்து அந்தந்த ஆண்டின் மார்ச் 31 ஆம் திகதிக்குள் தமது வருடாந்த உயிர் வாழ்ச் சான்றிதழ்களை வழங்க வேண்டும். வெளிநாட்டு ஓய்வூதியம் பெறுவோர் ஓய்வூதியத் திணைக்களத்தின் முன்னரங்க செயற்பாட்டு மேசைகளுக்குச் சென்றோ அல்லது வெளிநாட்டில் உள்ள இலங்கை தூதரகத்தின் ஊடாகவோ தமது உயிர் வாழ்ச் சான்றிதழை தலைமை அலுவலகத்திற்கு சமர்ப்பிக்க வேண்டும்.
சேவைத் தேவையின் பேரில் கப்பலில் செல்லும் பிரதேச செயலகங்களால் கொடுப்பனவு செய்யப்படுகின்ற ஓய்வூதியர்கள், இலங்கைக்கான வெளிநாட்டு தூதரகங்கள் ஊடாக பெறப்பட்ட தங்களின் உயிர்வாழ்ச் சான்றிதழை சம்பந்தப்பட்ட பிரதேச செயலகங்களுக்கு சமர்ப்பிக்க வேண்டும்.
ஆறு (06) மாதங்களுக்கு விஞ்சாது ஒரு தனிப்பட்ட தேவைக்காக வெளிநாடு செல்லும் ஓய்வூதியர்களின் ஓய்வூதியம் வெளிநாட்டு ஓய்வூதியமாக கருதப்பட மாட்டாது மேலும் அவர்களின் உயிர்வாழ்ச் சான்றிதழ்கள் வழக்கமான வழிமுறை மூலம் சமர்ப்பிக்கப்பட வேண்டும்
தொடர்புக்கு
தபால் முகவரி
ஓய்வூதியத் திணைக்களம்,
மாளிகாவத்தை,
கொழும்பு 10,
இலங்கை.
பதிவு செய்வதற்கு தேவையான ஆவணங்கள் (பதிவுச் செயல்முறை)
1/2018 ஆம் இலக்க ஓய்வூதிய சுற்றறிக்கையின் படி ஓய்வூதியர்கள் வெளிநாட்டு ஓய்வூதிய வகைப்படுத்தலின் கீழ் ஓய்வூதிய கொடுப்பனவை ஆரம்பிப்பதற்கு பின்வரும் ஆவணங்களை சமர்ப்பிக்க வேண்டும்.
ஓய்வூதியத்தை வெளிநாட்டு ஓய்வூதியமாக மாற்றக் கோரும் கடிதம் (கடன் பெற்றுக்கொண்டிருப்பின் அக் கடன் நிலுவைத் தொகையை தெளிவாகக் குறிப்பிடவும்)
அனைத்து ஆவணங்களும் வெளிநாட்டில் உள்ள இலங்கை தூதரகத்தின் தகுதிவாய்ந்த அதிகாரியால் சான்றுறுதிப்படுத்தப்பட்டு சமர்ப்பிக்கப்பட வேண்டும் அல்லது விண்ணப்பதாரரால் நேரடியாக இத் திணைக்களத்தில் சமர்ப்பிக்கப்பட வேண்டும்.
தொடர்புடைய ஆவணங்களில் கடவுச்சீட்டில் உள்ளவாறான சரியான கையொப்பம் இடப்படவேண்டும்
விதவைகள் & அனாதைகள் ஓய்வூதியத்திற்கான பதிவு (வி&அஓ)
குடியியல் ஓய்வூதியம் பெறும் ஓய்வூதியரின் இறப்பு தொடர்பில் இத் திணைக்களத்திற்கு விரைவில் அறிவிக்கும் பொறுப்பு விதவை / தபுதாரர் அல்லது உறவினர்களுக்கு உள்ளது.
அதைத்தொடர்ந்து, இறந்தவரின் விதவைக்கு / தபுதாரருக்கு தகுதியிருந்தால், வி&அஓ நன்மைகளைப் பெற, வெளிநாட்டில் உள்ள இலங்கை தூதரகத்தின் தகுதிவாய்ந்தஅதிகாரியால் சான்றுறுதிப்படுத்தப்பட்டு பின்வரும் ஆவணங்களைச் சமர்ப்பிக்க வேண்டும். விதவை / தபுதாரர் இலங்கையில் இருந்தால் அவர் தனிப்பட்ட முறையில் திணைக்களத்திற்கு வந்து தேவையான ஆவணங்களை சமர்ப்பிக்க வேண்டும்.
வி&அஓ நன்மைகளுக்கு விண்ணப்பிப்பதற்கு நீண்ட தாமதம் ஏற்பட்டால், ஓய்வூதிய நிலுவைத் தொகை 7.5 இலட்சத்துக்கு மேல் இருக்கும்பட்சத்தில், விண்ணப்பிக்க காலதாமதம் ஏற்பட்டமைக்கான நியாயமான காரணத்துடன், அந்த காலத்திற்கு ஓய்வூதியம் பெறவில்லை என்னும் சத்தியக்கடிதம் சமர்ப்பிக்கப்பட வேண்டும் மேலும் அக்காலத்திற்கு தொகையை ஏதும் செலுத்தியமை வெளிப்படுத்தப்பட்டால், இலங்கை அரசாங்கத்திற்கு திருப்பிச் செலுத்தப்பட வேண்டும்.
வங்கி விபரங்கள்
பின்வரும் கிளைகளில் பராமரிக்கப்படும் சிறப்பு வங்கிக் கணக்குகள் மூலம் மட்டுமே வெளிநாட்டு ஓய்வூதிய வகைப்படுத்தலின் கீழான ஓய்வூதியக் கொடுப்பனவுகள் ஆரம்பிக்கப்பட முடியும்.
ஓய்வூதியர் இத் திணைக்களத்தின் ஒப்புதலுடன் மேலே குறிப்பிடப்பட்டுள்ள ஏதேனும் வங்கிகளில் ஒரு சிறப்பு வங்கிக் கணக்கைத் தொடங்க வேண்டும் (ஒப்புதல் கடிதம் இத் திணைக்களத்தின் தகுதிவாய்ந்த அதிகாரியால் சான்றளிக்கப்பட வேண்டும்).
இலங்கை வங்கி மெட்ரோபொலிட்டன்
பான் ஏசியா வங்கி பொரளை கிளை
மக்கள் வங்கி தலைமைச்செயலக கிளை
ஹட்டன் நஷனல் வங்கி பஞ்சிகாவத்தை கிளை
மற்றொரு வங்கிக் கணக்கிற்கு பணத்தை மாற்றுதல்
அவர்களின் சிறப்பு வங்கிக் கணக்கிலிருந்து பணத்தை மாற்றுவதற்கான ஒரு வாய்ப்பு வழங்கப்பட்டுள்ளது,
- 1. அதே வங்கியில் உள்ள ஓய்வூதியரின் பெயரில் பராமரிக்கப்படும் தனிப்பட்ட சேமிப்புக் கணக்கு, அல்லது
- 2. ஓய்வூதியரின் பெயரில் பராமரிக்கப்படும் ஒரு வெளிநாட்டு வங்கியின் ஒரு தனிப்பட்ட சேமிப்பு வங்கிக் கணக்கிற்கு
- மற்ற வங்கிகளுக்கு மாற்றுவது கண்டிப்பாக தடைசெய்யப்பட்டுள்ளது.
- ஓய்வூதியர் ஒவ்வொரு பரிவர்த்தனையின் போதும் செல்லுபடியாகும் உயிர் வாழ்ச் சான்றிதழுடன் உரிய விண்ணப்பப் படிவத்தைச் சமர்ப்பிக்க வேண்டும்
ஓய்வூதியம் / விஅ& ஓ ஓய்வூதிய நிலுவையைச் செலுத்துதல்
நிறுத்திவைக்கப்பட்ட ஓய்வூதியத்தை மீண்டும் தொடங்கும் போது நிலுவைத் தொகை ரூ.750,000.00க்கு குறைவாக இருந்தால்,அந் நிலுவைத் தொகை கொடுப்பனவு செய்யப்படும். ரூ.750,000.00க்கு மேல் தொகை இருந்தால் விசேட குழுவின் ஒப்புதலுக்குப் பின்னர் பணம் செலுத்தப்படும்.
தேவையான ஆவணங்கள்,
- 1. கோரிக்கை கடிதம்
- 2. நிலுவைத் தொகை செலுத்தத் தொடங்கும் திகதிக்கு மூன்று மாதங்களுக்கு முந்தைய ஓய்வூதியம் தொடர்புடைய வங்கிக் கணக்கின் பரிவர்த்தனை அறிக்கை
- 3. செல்லுபடியாகும் கடவுச்சீட்டின் பிரதிகள்
- 4. தேசிய அடையாள அட்டை (தேஅஅ) பிரதி
- 5. குறிப்பிட்ட காலத்திற்கு ஓய்வூதியம் வழங்கப்படவில்லை என்றும் செலுத்தப்பட்ட தொகையை வெளிப்படுத்தினால் அத் தொகை இலங்கை அரசுக்கு திருப்பிச் செலுத்தப்படும் என்றும் வெளிநாட்டில் உள்ள இலங்கை தூதரகத்தின் தகுதியான அதிகாரியின் சான்றொப்பத்துடன் அறிவிக்கும் ஒரு சத்தியக் கடிதம்.
உயிர்வாழ்ச் சான்றிதழ்
- 1. வெளிநாட்டு ஓய்வூதியர் ஓய்வூதியத் திணைக்களத்தின் வெளிநாட்டு ஓய்வூதியக் கிளையின் முன்னரங்க செயற்பாட்டு மேசைகளுக்குச் சென்று அல்லது வெளிநாட்டில் உள்ள இலங்கை தூதரகத்தின் ஊடாக தமது உயிர்வாழ்ச் சான்றிதழை சமர்ப்பிக்க வேண்டும்.
- 2. வெளிநாட்டில் வசிக்கும் அல்லது வெளிநாட்டு ஓய்வூதியப் பிரிவால் ஓய்வூதியக் கோவை பராமரிக்கப்படும் அனைத்து ஓய்வூதியர்களும் ஒவ்வொரு ஆண்டும் முந்தைய ஆண்டின் டிசம்பர் 1 ஆம் திகதியிலிருந்து அவ்வவ் ஆண்டு மார்ச் 31 ஆம் திகதிக்குள் தமது உயிர்வாழ்ச் சான்றிதழ்களை வழங்க வேண்டும். ஓய்வூதியத் திணைக்களத்தின் தலைமைச் செயலகத்தின் முன்னரங்க செயற்பாட்டு மேசைகளுக்குச் சென்று அல்லது வெளிநாட்டில் உள்ள இலங்கை தூதரகத்தின் ஊடாக தமது உயிர்வாழ்ச் சான்றிதழை சமர்ப்பிக்க வேண்டும்
- 3. இரண்டு வருடங்களுக்கும் குறைவான கலத்திற்கு சேவையின் தேவையின் பேரில் பயணம் செய்யும், பிரதேச செயலகங்களால் கொடுப்பனவு செலுத்தப்படும் ஓய்வூதியர்கள் இலங்கைக்கான வெளிநாட்டு தூதரகங்கள் மூலம் பெறப்பட்ட அவர்களின் உயிர்வாழ்ச் சான்றிதழை அந்தந்த பிரதேச செயலகங்களில் சமர்ப்பிக்க வேண்டும்.
- 4. ஆறு (06) மாதங்களுக்கு விஞ்சாமல் ஒரு தனிப்பட்ட தேவைக்காக வெளிநாடு செல்லும் ஓய்வூதியர்களின் ஓய்வூதியம் வெளிநாட்டு ஓய்வூதியமாக கருதப்பட மாட்டாது மேலும் அவர்களின் உயிர்வாழ்ச் சான்றிதழ்கள் வழமையான முறை மூலமே சமர்ப்பிக்கப்பட வேண்டும்.
- 5. முதுமை அல்லது கடுமையான நோய் காரணமாக வெளிநாட்டில் தமக்கு அருகிலுள்ள இலங்கை தூதரகத்திற்குச் செல்ல முடியாத ஓய்வூதியர், சம்பந்தப்பட்ட நாட்டின் அங்கீகரிக்கப்பட்ட மருத்துவ அதிகாரியின் சான்றிதழுடன் தங்கள் உயிர்வாழ்ச் சான்றிதழைச் சமர்ப்பித்து, அதை அந்தந்த தூதரகத்திற்கு தபாலில் அனுப்ப வேண்டும்.
- குறிப்பிட்ட ஆண்டிற்கான சரியான மாதிரிப் படிவத்தை பயன்படுத்துவதுடன் செல்லுபடியாகும் கடவுச்சீட்டின் பிரதியை இணைப்பது கட்டாயமாகும்.
- உயர் ஸ்தானிகராலயம் அதிகாரி / தூதரகம் அதிகாரி / இலங்கைக்கான வெளிநாட்டு தூதுவர் / துணைத் தூதரக அதிபதி ஆகியோரில் ஒருவரால் சான்றளிக்கப்படாத வாழ்க்கைச் சான்றிதழ்கள் நிராகரிக்கப்படும்.
புகையிரத ஆணைச்சீட்டு
ஓய்வூதியத் திணைக்களம் இலங்கை புகையிரத திணைக்களத்துடன் இணைந்து ஓய்வூதியர்களுக்கு புகையிரத ஆணைச்சீட்டுகளை அனுமதித்துள்ளதுடன், வெளிநாட்டு ஓய்வூதியர்களுக்கும் இந்த வசதி வழங்கப்படுகிறது.
வெளிநாட்டு ஓய்வூதியர்களாகவுள்ள இலங்கையர்கள் இப்போது தங்களின் புகையிரத ஆணைச்சீட்டு விண்ணப்பத்தை இங்கே பதிவிறக்கம் செய்து கொள்ளலாம் Click here to Download / பதிவிறக்கம் செய்ய இங்கே சொடுக்கவும்
விண்ணப்பதாரரால் முறையாக பூர்த்தி செய்யப்பட்ட விண்ணப்பம், இலங்கையின் தேசிய அடையாள அட்டை மற்றும் கடவுச்சீட்டுடன் ஓய்வூதியத் திணைக்களத்தில் உள்ள வெளிநாட்டு ஓய்வூதியப் பிரிவின் முன்னரங்க மேசைகளுக்குச் சென்று சமர்ப்பிக்கப்பட வேண்டும்.
ஓய்வூதியம் பற்றிய தகவல் கடிதம்
ஓய்வூதியத் திணைக்களம் இலங்கையராகவுள்ள வெளிநாட்டு ஓய்வூதியருக்கு அவரது கோரிக்கையின் பேரில் அவருடைய ஓய்வூதிய கொடுப்பனவு விவரங்களை உறுதிப்படுத்தும் கடிதத்தை வழங்குகிறது
தேவையான ஆவணங்கள்,
- 1. கோரிக்கை கடிதம்r
- 2. செல்லுபடியாகும் கடவுச்சீட்டின் பிரதிகள்
- 3. தேஅஅ (தேசிய அடையாள அட்டை) பிரதி
ஓய்வூதியக் கோவைகளை மீண்டும் பிரதேச செயலகத்திற்கு மாற்றுதல்
உங்களின் கடமைக்கான பயணம் முடிவடைந்து இலங்கை திரும்பிய பின்னர், மீண்டும் வெளிநாடு செல்ல விருப்பமில்லாதவிடத்து ஓய்வூதிய ஆவணங்களை அந்தந்த பிரதேச செயலகங்களுக்கு மாற்றுவதற்காக பின்வரும் ஆவணங்களை இந்தத் திணைக்களத்தில் சமர்ப்பிக்கவும்.
இந்தச் சலுகை வெளிநாட்டு குடியுரிமை வைத்திருப்பவர்களுக்கும் இரட்டைக் குடியுரிமை வைத்திருப்பவர்களுக்கும் பொருந்தாது.
- வெளிநாட்டுக்கு திரும்பிச் செல்ல விருப்பம் இல்லை என்று குறிப்பிடும் கோரிக்கை கடிதம்
- உள்ளூர் வங்கிக் கணக்கின் பிரதி (தனிப்பட்ட சேமிப்பு கணக்கு)
- கிராம அலுவலரின் சான்றிதழ்
- கப்பலில் ஏறுவதற்கும் மற்றும் இறங்குவதற்கும் அனுமதி வழங்கப்பட்ட கடவுச்சீட்டின் பிரதி.